Detecting...
Please whitelist dirzon to continue.
ወተራድአሂኒ በሥጋ ወነፍስ ። ሰላም ለቀራንብቲከ ወለአዕይንቲከ እለ ኢይዴቅሳ እምአመ ኮና ዘርእያ ብርሃነ ብርሃናት ጊዜ ኀሠሣ መዋኢ ፋኑኤል ዘውገ አርባዕቱ እንስሳ ማ አድኅኖ ለሥጋየ እምጸናሔ ፍኖት አንበሳ ወአንጽሓ ለነፍስየ እምክቡድ አበሳ ። ሰላም ለከናፍሪከ ወለአፉከ ቀዳሲ ትሥልስተ መለኮት ነጋሚ። ሰላም ለአእጋሪከ ወለሰኩናከ እለ ይቀውማ በላዕለ ላህብ ርሱን እንበለ ድካም ወፃማ ማኅሌተ አምላክ ዘትነቁ ፋኑኤል ዖፈ ራማ ማ ኢይትኀፈር ቅድመ ፀርየ ዘእምሕዝበ ባቢሎን ዘማ አስተረስየኒ ሞገሰከ በዘለከ ግርማ ። የየየ ሰላም ለአጽፋረ እግርከ ሞገሳተ ዐሥሩ አፃብዕ ዘአርአያሆን ካልእ ፋኑኤል መልአኩ ለእግዚአብሔር እግዚእ ማ ሴስየኒ ኅብስተ መና እንዘ ታወርድ በርትዕ ከመ ለእስራኤል ሴሰዮሙ ሚካኤል ብፁዕ። ነዓ ኀቤየ ፋኑኤል እሳት ነጻዲ ማኅበረ ሰይጣናት በሰማይ እስመ አንተ ሰዳዲ አልብሰኒ ጽድቀ ለዓለመ ዓለም አሜን።
ሽሻ ሰላም ለተፈጥሮትከ ምስለ መላእክት ኅቡረ እንዘ ኢትከውን ቅድመ ወእንዘ ኢትዴኀር ድኅረ ሰዳዴ ሰይጣናት ፋኑኤል ዘእምላዕለ ሰብእ ወትረ ማ ስድዶሙ ለአጋንንት ወአርእዮሙ ኀሳረ። ሰላም ለእእዳዊከ እለ ይነሥአ ሰይፈ ወለመዛርዒከ ዓዲ እለ ይሰውቃ ምዕራፈ አጽራርየ ለአህጐሎ ከመ ኢያውርዱኒ ጸድፈ ማ ስድዶሙ ለአጋንንት እለ ይፃረሩኒ ዘልፈ እንዘ ትከውነኒ ፋኑኤል ዘለከ አክናፈ ። አመ በልማዱ የኀልፍ ዘዚአየ ሥጋ ሰላም ለእራኅከ ጸዋሬ ኅብስት ወማይ ወለአፃብዒከ ሰላም ብርሃናተ ብርሃን ፀሐይ መልአከ አድኅኖ ፋኑኤል ገባሬ ተአምር ሠናይ ማ ተረሰይከ እመላእክት ለትርሚተ ግርማ ዐቢይ ከመ ለአጋንንት ትስድዶሙ እምኩሉ ነዳይ ። ነዓ ኀቤየ ምስለ ገብርኤል ድርገተ በዘቢጠ በትሩ ዘወርቅ እንተ አቀረረ እሳተ እስመ ኢረከብኩ ቦቱ እምቃለ ነገሩ ሐሰተ ለድንግል አመ አብሠራ ሐዲሰ ብሥራተ ብሥራት ሰላም ፋኑኤል አብሥረኒ ሊተ ። ነዓ ኀቤየ ምስለ ሩፋኤል ኅቡረ። ነዓ ኀቤየ ምስለ ዑራኤል ዘበአርያም ። ነዓ ኀቤየ ምስለ ሳቁኤል ተንባሊ። ነዓ ኀቤየ ምስለ ኪሩቤል አዕዋፈ ነድ እለ ይፀውሩ ሰማየ ዘኅብረ በረድ መልአከ ሰማይ ፋኑኤል በፀዳለ መብረቅ ምዕዋድ ከመ ነጐድጓድ ድምፀ ቃልከ መርዕድያስምዐኒ ሊተ በግርምት ዐውድ። ነዓ ኀቤየ ፋኑኤል እሳት ነጻዲ ማኅበረ ሰይጣናት በሰማይ እስመ አንተ ሰዳዲ አልብሰኒ ጽድቀ ለዓለመ ዓለም ወዓዲ።